Հանրապետության հրապարակում Արցախից տեղահանված քաղաքացիները բողոքի ակցիա և նստացույց են իրականացնում։
«Ստորագրահավաք ենք ձեռնարկել, որտեղ շուրջ 3000 ստորագրություն կա։
Եթե Արցախ չենք վերադառնում, մեզ համար Հայաստանում պետք է համայնք սարքեն, որպեսզի այնտեղ ապրենք։ Եթե մենք ցրվենք այնպես, ինչպես 90-ականներին գաղթած շահումյանցիներն են ցրվել, մեր հայրենիքն այլևս չենք վերցնելու», - լրագրողներին ասաց «Հանուն Հադրութի» ՀԿ ղեկավար Լևոն Հայրյանը։
Հայրյանի խոսքով՝ ՄԱԿ-ի գրասենյակի առաջ նստացույց են անելու և հանդիպում պահանջելու, որպեսզի նրանց ևս ներկայացնեն իրենց խնդիրները։
«Չորս տարի է՝ այս կառվարությունը որևէ բան արե՞լ է, չի արել։ Այս կառավարությունը մի բան կարող է անել, դա իր հրաժարականն է։ Պետք է հասկանան, որ արդեն ազգին ու ժողովրդին վնաս են տալիս», - ասաց «Հանուն Հադրութի» ՀԿ ղեկավարը։
