Հայ Առաքելական Սուրբ Եկեղեցու Արցախի Թեմը դիմում է արցախահայությանը միասնական աղոթքի կոչով՝ Ամենազոր Աստծու զորակցությունը խնդրելով արցախահայության անվտանգ, խաղաղ ու բարօր կյանքի համար: Միասնական աղոթքը տեղի կունենա սբ. Զատկին նախորդող «Ավագ» շաբաթվա բոլոր օրերին, երեկոյան ժամը 19:00-ին (ապրիլի 11-ից ապրիլի 16-ը՝ ներառյալ):
«Խնդրում ենք ողջ արցախահայությանը, բոլոր Աստվածավախ ու հայրենասեր գիտակից մարդկանց «Միասնական Աղոթքի» ժամին թողնել կողմնակի զբաղմունքներն ու գործերը և մասնակցել այս սրբազան Ուխտին:
Մեր կարգախոսն է՝
«Հավատքով կատարված յուրաքանչյուր աղոթք անպտուղ չի մնում»:
Թո'ղ Աստված պահի ու պահպանի Հայաստան և Արցախ աշխարհը…»,- հայտնում է Հայ Առաքելական Սուրբ Եկեղեցու Արցախի Թեմը։
