Արցախի տեղեկատվական շտաբի լուսանկարիչ Դավիթ Ղահրամանյանը Խրամորթից հաղորդում է. «Կարճ իրավիճակի մասին:
«Քարագլուխ» բարձունքը մեր զինված ուժերի վերահսկողության տակ է, մնացած բոլոր տեղեկատվությունները իրականությանը չեն համապատասխանում»:
Հիշեցնենք, որ մարտի 24-ին Ադրբեջանական զինուժը Արցախում խախտել է շփման գիծը և շարժվել Ասկերանի Փառուխ գյուղի ուղղությամբ։ Խրամորթ գյուղից տարհանվել են կանայք և երեխաները։
Արցախի տեղեկատվական շտաբը հաղորդել է, որ բանակցությունների և անվտանգային լրացուցիչ միջոցառումների արդյունքում ադրբեջանական զինված ուժերի շարժն այս պահի դրությամբ մեր տարածքում կասեցված է, սակայն հակառակորդը դեռևս չի վերադարձել ելման դիրքեր:
