ՔՊ-ական պատգամավոր Արուսյակ Ջուլհակյանը ԱԺ-կառավարություն հարցուպատասխանի ժամանակ հարց ուղղեց ԱԳ նախարար Արարատ Միրզոյանին․ արդյոք Հայաստանը ստեցե՞լ է արձագանք ԵԱՀԿ Մինսկի խմբի համանախագահությունից Հայաստանի և Ադրբեջանի միջև խաղաղության պայմանագրի կնքման նպատակով բանակցություններ կազմակերպելու դիմումին ի պատասխան։
Հարցին արձագանքելիս Արարատ Միրզոյանը նախ տեղեկացրեց, որ թեմայի պարզաբանումից հետո գնահատականներն այնպիսին էին, թե Հայաստանը մերժել է Ադրբեջանի առաջարկները։
«Ուզում եմ ասել, որ Ադրբեջանի առաջարկներում Հայաստանի համար անընդունելի ոչինչ չկա։ Այլ բան, որ այդ առաջարկներն ամբողջովին չէին հասցեագրում հնարավոր բանակցությունների ողջ օրակարգը, և ահա համապարփակ խաղաղության համար մենք լրացրել ենք, համալրել ենք օրակարգը մեր առաջարկներով և փոխանցել ենք ԵԱՀԿ ՄԻնսկի խմբի համանախագահությանը։
Համանախագահողներից ինձ ներկայացրել են, որ այդ առաջարկները փոխանցվել են պաշտոնական Բաքվին։ Բաքվից առայժմ պատասխան չունենք»,-ասել է նա։
