ՀՀ Ազգային ժողովի արտաքին հարաբերությունների մշտական հանձնաժողովի անդամ Մարիա Կարապետյանը չի բացառում Արցախը Ադրբեջանի կազմում լինելու հարցի քննարկումը ադրբեջանցիների հետ: Պատասխանելով «Ազատություն» ռ/կ տաղավարում հնչեցված այն հարցին, թե արդյոք քննարկվելու է Ադրբեջանի կազմում Արցախի լինելու հարցը՝ Կարապետյանը հայտարարել է, որ ներկայումս առաջնային են անվտանգության ապահովման հարցերը և խոսակցական հարթակի ստեղծումը:  Նա նշել է, որ երբ բովանդակային բանակցությունները վերսկսվեն, հայկական կողմը կփորձի առավելագույն հնարավոր, իրատեսական, լավագույն լուծման հասնել։

Նախ հարց է, թե հայկական կողմի որ հնարավոր գործողությունները կորակվեն որպես սադրանք. Արցախը սնուցող գազատարի վերականգնմանը նպաստե՞լը, ադրբեջանական սադրանքներին Երասխում և Արցախում պատասխանե՞լը, պատերազմից ավերված բանակը ոտքի կանգնեցնե՞լը, միջազգային տարբեր հարթակներում Հայոց ցեղասպանության միջազգային ճանաչումը առաջ տանե՞լը, Ադրբեջանի կողմից հայատյացության նոր դրսևորումները դատապարտե՞լը: Հայկական իշխանությունները իսկապես նպաստում են իրավիճակի թուլացմանը և Ադրբեջանի շահերի սպասարկմանը. ավելի քան մեկ շաբաթ Արցախում մարդիկ զրկված են կենսական ապահովման միջոցներից, Երասխում հայ զինվորական է զոհվում, Արցախում գյուղերի վրա արկեր են թափվում, ՀՀ ԱԳՆ-ն էլ խոսում է Հայաստանի «բնակչության»` Թուրքիայի հետ հարաբերությունները կարգավորելու ցանկության մասին:

ՀՀ իշխանության կարկառուն ներկայացուցիչները շարունակում են իրենց սկանդալային և կոլաբորացիոնիստական հարցազրույցների շարքը: Ի դեպ, սույն պատգամավորը այն անձն էր, որը ադրբեջանցիներին շնորհավորում էր Նովրուզի առթիվ և մշտապես աչքի է ընկել ադրբեջանամետ և թուրքամետ դիրքորոշումներով:

Աղբյուր՝ AntiFake.am