Ռոսավիացիան մինչեւ մարտի 8-ը երկարաձգել է Ռուսաստանի հարավում գտնվող 11 օդանավակայաններում թռիչքների արգելքը, հաղորդում է «Интерфакс»-ը՝ հղում անելով գերատեսչությանը։
«Ռուսաստանի հարավային եւ կենտրոնական հատվածում գտնվող օդանավակայաններում թռիչքների ժամանակավոր սահմանափակման ռեժիմը երկարացվել է մինչեւ 2022թ․ մարտի 8-ը Մոսկվայի ժամանակով ժամը 03:45-ը»,- ասվում է հաղորդագրության մեջ։
Այսպիսով, թռիչքները դեռեւս սահմանափակված են հետեւյալ օդանավակայաններում՝ Անապա, Բելգորոդ, Բրյանսկ, Վորոնեժ, Գելենջիկ, Կրասնոդար, Կուրսկ, Լիպեցկ, Դոնի Ռոստով, Սիմֆերոպոլ, Էլիստա:
Ռուսաստանի մնացած, այդ թվում՝ միջազգային օդանավակայաններն աշխատում են բնականոն ռեժիմով։
