Լրագրող Սյուզի Բադոյանը ֆեյսբուքյան իր էջում գրել է. «Արարատի մարզում առավոտից բողոքի ակցիա է. Մարմարաշենի մոտ գյուղացիները փակել են ճանապարհը,
պահանջում են վարչապետի ներկայությունը կամ հենց հիմա վերականգնել Երևանի հետ կապող իրենց հին երթուղին: Բողոքի ակցիայի մասնակիցները կաթվածահար են արել Մասիսի մի քանի գյուղ տանող ճանապարհի երթևեկությունն ու միայն ոստիկաններն են պարտաճանաչ կերպով լցվել դեպքի վայր: Հորից որդուն ժառանգություն անցած մարզպետի պաշտոնը վայելող քպ-ական անհայտ պատգամավոր Սեդրակ Թեոնյանը հարկ չի համարել անգամ բնակիչներին մոտենալ: Ընդգծեմ՝ սա արդեն երրորդ ակցիան Է վերջին երկու ամսում»: