Առողջապահության համաշխարհային կազմակերպությունը (ԱՀԿ) մտավախություն է հայտնել առ այն, որ Եվրոպայում COVID-19-ից մահացությունը ներկայիս 1,5 միլիոնից կհասնի 2,2 միլիոնի մինչև 2022 թվականի մարտը, եթե ներկայիս միտումը շարունակվի: Ըստ ԱՀԿ-ի՝ «53 երկրներից 49-ում այս պահից մինչև 2022 թվականի մարտի 1-ն ինտենսիվ թերապիայի բաժանմունքներում կանխատեսվում է բարձր կամ ծայրահեղ սթրես», գրում է timesofisrael.com-ը: Կառույցը հավելել է, որ «եկող տարվա գարնանը կանխատեսվում է, որ գրանցված մահերի ընդհանուր թիվը կհասնի ավելի քան 2,2 միլիոնի»: