Այսօր՝ մարտի 2-ին, արտակարգ իրավիճակ է ստեղծվել Տավուշի մարզում: Առավոտյան 10:30-ի սահմաններում Նոյեմբերյան-Ջուջևան ավտոճանապարհի 5-րդ կմ հատվածում Volvo մակնիշի 489 LL 68 համարանիշի խոշոր բեռնատարը ճանապարհի դուրս է եկել երթևեկելի գոտուց և ամբողջովին փակել ճանապարհը, գրում է shamshyan.com-ը: Ինչպես հայտնում է ֆոտոլրագրող Գագիկ Շամշյանը, քանի որ ճանապարհը երկկողմանի փակ է եղել, առաջացել է երկկողմանի խցանում, որի երկարությունը կազմել է մոտ 3 կմ: