Irakanum.am-ի ունեցած հավաստի տեղեկություններով՝ մայիսի 11-ին ՀՀԿ կենտրոնական գրասենյակում տեղի է ունենալու կուսակցության խորհրդի նիստը: ՀՀԿ-ականները ընդլայնված կազմով հանդիպում կունենան Սերժ Սարգսյանի հետ: Նշենք, որ Նիկոլ Փաշինյանի՝ վարչապետ ընտրվելուց հետո առաջին անգամ է ՀՀԿ-ն նիստ հրավիրել: Մեզ հայտնի դարձավ, որ  Հանրապետականները քննարկելու են ներկուսակցական եւ ներքաղաքական հարցեր: Բացի այդ Ս. Սարգսյանը անդրադառնալու է կուսակցությունից սկսված «առնետավազքին»: Նշենք, որ վերջին իրադարձություններով պայմանավորված ՀՀԿ-ական որոշ գործիչներ շեղվել են կուսակցության ընդհանուր գծից, ինչը դուր չի եկել Ս. Սարգսյանին: