Ազգային ժողովում քիչ առաջ ընտրվեց Հայաստանի Հանրապետության չորրորդ նախագահ: Նրան կողմ են քվեարկել ՀՀԿ, ՀՅԴ և «Ծառուկյան» խմբակցությունները, դեմ է եղել «Ելք» խմբակցությունը: ԱԺ ժամանակավոր հաշվիչ հանձնաժողովի նախագահ Գագիկ Մելիքյանը հայտնեց, որ կողմ է քվեարկել 90 պատգամավոր, դեմ՝ 10: Հիշեցնենք, որ Արմեն Սարգսյանն առաջադրվել է «Հայաստանի Հանրապետական կուսակցություն» և «Հայ Յեղափոխական Դաշնակցություն» խմբակցությունների կողմից:  ը: Նշենք, որ 2018 թվականի փետրվարի 28-ին` ժամը 18:00-ին, լրացել է Հանրապետության նախագահի առաջադրման ժամկետը: «Ելքի» պատգամավորը 9-ն է, նշանակում է, որ ևս մեկը դեմ է եղել Արմեն Սարգսյանի թեկնածությանը: Բայց եթե հաշվի առնենք, որ «Ելքից» Սասուն Միքայելյանն ու Էդմոն Մարուքյանն էլ չեն մասնակցել քվեարկությանը, ստացվում է՝ 3 հոգի են դեմ եղել: