ՈՒԳԸ խորհրդի անդամ Հրաչյա Հովհաննիսյան Հանդիսանալով ՇՊՀ ուսանող, ով մտահոգված է վերջին ժամանակներում տեղի ունեցող իրադարձություններով, որոնք նպատակաուղղված են մեր ԲՈՒՀ-ը հեղինակազրկելուն, կոչ եմ անում ուսանողներին չտրվել ամբիցիաներին և բնականոն կերպով հաճախել դասընթացներին՝ կրթական ընթացքը ապահովելու համար: Սույն խնդիրը, որը առաջացել է ԲՈՒՀ-ի և հեռացված դասախոսների միջև հանդիսանում են աշխատանքային հարաբերություններ, հետևաբար դրանք պետք է լուծվեն համապատասխան հարթակում՝ այն է օրենսդրական: Ուսանողների ներգրավումը կարելի է դիտարկել, որպես նպատակաուղղված գործողություններ ԲՈՒՀ-ը հեղինակազրկելու համար: Ես հավաստիացած եմ, որ ԲՈՒՀ-ի ղեկավարությունը պատրաստ է գնալ բանակցությունների և պատրաստ է նաև բազմակողմանի հանդիպում քննարկումների՝ ներգրավելով նաև կրթության նախարարության ներկայացուցիչների: Սակայն, պետք է հիշենք, որ ամենակարևորը ուսումնառության բնականոն ընթացքի ապահովմն է և զերծ մնանք ոչ սեփական ամբիցիաներին տրվելուց: Հումանիտար գիտությունների և արվեստի ֆակուլտետի ՈՒԳԸ նախագահ Նելլի Ղազարյան Ես որպես ուսանող չէի ցանկանա, որ համալսարանում ուսումնական պրոցեսը խաթարվեր: Ինձ համար շատ կարևոր է ուսումնական գործընթացի բնականոն ընթացքի ապահովումը: Հույս ունեմ, որ ԲՈՒՀ-ում առկա խնդիրները շուտով կստանան իրենց լուծումները: Բնագիտամաթեմատիկական ֆակուլտետի ՈՒԳԸ նախագահ Սուսաննա Խոցանյան Որպես բնագիտամաթեմատիկական ֆակուլտետի ՈՒԳԸ-ն ներկայացնող անձ՝ նախագահ, հայտնում եմ իմ դիրքորոշումը ՇՊՀ-ում ստեղծված իրավիճակի վերաբերյալ։ ՇՊՀ-ում ստեղծվել է մի իրավիճակ, որի պատասխանատուն կարծում եմ հենց ուսանողներս ենք և խելամիտ չեմ համարում անձի հրաժարականը պահանջելով հարցի լուծումը ստանալ ամբողջ համակարգի համար։ Ստեղծված իրավիճակի լուծումը տեսնում եմ բացառապես իրավական դաշտում: