Քննչական կոմիտեն հերքում է այն տեղեկությունը, թե ՔԿ նախագահի տեղակալ, Հատկապես կարևոր գործերի քննության գլխավոր վարչության պետ, արդարադատության գեներալ-մայոր Վահագն Հարությունյանը 3 օր առաջ մեկնել է Հայաստանից:
«Փաստինֆո»-ի հարցին ի պատասխան՝ Քննչական կոմիտեից հայտնեցին, որ Վահագն Հարությունյանը երեք օր առաջ չի մեկնել Հայաստանից, չի ազատվել աշխատանքից և այս պահին գտնվում է Երևանում:
Նշենք, որ այսօր մամուլը գրել էր, որ Վահագն Հարությունյանը արդեն 3 օր է Հայաստանում չէ, մեկնել է Գերմանիա՝ սպասելով, թե ինչպես պետք է հանգուցալուծվի հայաստանյան քաղաքական իրավիճակը։
Ըստ մամուլի, նա նեղ շրջանակում հայտարարել էր, որ եթե Նիկոլ Փաշինյանը դառնա վարչապետ, ապա Գերմանիայից չի վերադառնա։
Պարզվում է, որ նա Հայաստանում է:
00:00:00
