Հայաստանի ազգային հավաքականի և Լոնդոնի «Արսենալ»-ի կիսապաշտպան Հենրիխ Մխիթարյանը գրառում է կատարել՝ շնորհավորելով Հայաստանի նորընտիր վարչապետին։ «Շատ ուրախ եմ ազգիս համար։ Մի քանի շաբաթների խաղաղ և մարդաշատ շարժումից հետո, որն ընդգրկել էր ողջ Հայաստանը, մեր երկիրն աշխարհին ցույց տվեց, թե ինչպես է ժողովրդի ձայնը լսելի դառնում։ Հույս ունեմ, որ Հայաստանը կլինի այն վայրը, որտեղ յուրաքանչյուր քաղաքացի իր երազանքներն իրականացնելու լավագույն հնարավորությունները կունենա։ Կեցցես, Հայ ժողովուրդ»,- նշել է Մխիթարյանը։