ՌԴ նախագահ Վլադիմիր Պուտինը Դաշնային ժողովին ուղերձ է հղել, որի ընթացքում ԱՄՆ-ի հետ հակահրթիռային պաշտպանության մասին բանակցությունների մասին խոսելուց հետո  ցույց է  տվել, թե ինչպես է Ռուսաստանը արձագանքել բանակցությունների ձախողմանը՝ նոր զենքի, բալիստիկ հրթիռների և բազմաֆունկցիոնալ համալիրների ստեղծմամբ: Պուտինի խոսքով՝ իրենք բազմիցս են զգուշացրել ԱՄՆ-ին, սակայն վերջինս շարունակում է ամրապնդել հակահրթիռային պաշտպանության համակարգը և զարգացնել միջուկային ներուժը: Պուտինը խոսել է ծանր միջմայրցամաքային բալիստիկ «Սարմատ» հրթիռով նոր հրթիռային համալիրի փորձարկումների մասին: