Ռուսաստանի և Եվրամիության միջև համատեղ նախագծերն արգելափակվել են հակառուսական պատժամիջոցների և Բրյուսելի ագրեսիվ հռետորաբանության պատճառով: Այս մասին հայտարարել է Ռուսաստանի Դաշնության Արտաքին գործերի նախարարության պաշտոնական ներկայացուցիչ Մարիա Զախարովան: «Բազմաթիվ քաղաքական, հումանիտար, տնտեսական նախագծեր են եղել, որոնց մասնակցել են Ռուսաստանը և ԵՄ-ն: Բայց դրանք արգելափակվել են Բրյուսելի կողմից հակառուսական պատժամիջոցների ընդունումից հետո և երկխոսությունը փոխարինվել ագրեսիվ հռետորաբանությամբ, անհիմն մեղադրանքներով և ապատեղեկատվական արշավներով»,-ՖԲ իր էջում գրել է Զախարովան։