ՌԴ իրավապահ մարմինների ներկայացուցիչները Մոսկվայի «Շերեմետևո» օդանավակայանում ձերբակալել են ՀՀ քաղաքացու։ Պատճառ է հանդիսացել ռումբի մասին կատակը։ Ռուսական զլմ-ների փոխանցմամբ՝  Երևան թռիչքից առաջ ստուգում անցնելիս նա կատակել է իր մոտ ռումբի առկայության մասին՝ պատասխանելով օդանավակայանի աշխատակցի հարցին։ Տեսուչը, չհասկանալով կատակը, կանչել է անվտանգության ծառայության աշխատակիցներին և ոստիկաններին, ովքեր նրան տեղափոխել են տրանսպորտի հարցերով ոստիկանության բաժանմունք։