Irakanum.am-ի ունեցած հավաստի տեղեկություններով ԱԺ ՀՀԿ խմբակցության պատգամավոր Գրիգոր Ավալյանը վայր է դրել պատգամավորական մանդատը: Նշենք, որ վերջինս այսօրվա ԱԺ հատուկ նիստին չի մասնակցում: 15:05 Irakanum.am-ը ԱԺ լրատվության եւ հասարակայնության հետ կապերի վարչությունից փորձեց ճշտել, թե ստացել է ԱԺ նախագահը Ավալյանի՝ մանդատից հրաժարվելու դիմումը: Լրատվականից մեզ հայտնեցին, որ այս պահին նման տեղեկություն չունեն: Ըստ էության չեն հերքում տեղեկությունները: Հիշեցնենք, որ Ավալյանը պատգամավոր է  ընտրվել է Տավուշի մարզից, ռեյտինգային ընտրակարգով: Ընտրություններում նրան սատարել է «Գրանդ հոլդինգ» ընկերությունը: Ընկերության ղեկավարներ Կարեն եւ Միքայել Վարդանյաններն այժմ սատարում են համաժողովրդական շարժմանը: