Մեծի Տանն Կիլիկիո կաթողիկոս Արամ Առաջինն ապրիլի 30-ին Անթիլիասի մայրավանքում ընդունել է մի շարք հյուրերի եւ ընդունելության ժամանակ անդրադարձ կատարել Հայաստանում ծավալվող ներքաղաքական գործընթացներին: «Ողջունում եմ սահմանադրական գործընթացներով եւ համախոհական ոգով Հայաստանը ներկա քաղաքական ճգնաժամից դուրս բերելու ձգտող բոլոր կողմերի իմաստությունը եւ հանձնառությունը»,- ասել է Վեհափառ Հայրապետը: Նորի Սրբությունն ընդգծել է նաեւ, որ հենց այդ ճանապարհով կարելի է հասնել Հայաստանի հզորացմանը եւ առաջնորդել Հայաստանն ու սփյուռքը միասնականության ուղով: