Թուրք մրցավար Ջունեյտ Չակիրը կսպասարկի Չեմպիոնների լիգայի կիսաեզրափակիչ «Ռեալ»-«Բավարիա» հանդիպումը: Այս մասին տեղեկացնում է ՈւԵՖԱ-ի պաշտոնական կայքը: Խաղը կկայանա մայիսի 1-ին` Երևանի ժամանակով ժամը 22:45-ին` «Սանտիագո Բեռնաբեու» ստադիոնում: Առաջին խաղն ավարտվել է մադրիդցիների հաղթանակով` 2:1 հաշվով: Հիշեցնենք, որ թուրք մրցավարը սպասարկել էր նաև «Յուվենտուս»-«Ռեալ» քառորդ եզրափակչի առաջին հանդիպումը (0:3): Չակիրին կօգնեն Բահատին Դուրանը և Տարիկ Էնգյունը: Լրացուցիչ օգնականնները կլինեն Հուսեյին Գեչեկը և Բարիշ Շիմշեկը: 4-րդ մրցավարը կլինի Մուստաֆա Էյսոյը: