ՀՀԿ խոսնակ, ԱԺ փոխնախագահ Էդուարդ Շարմազանովից այսօր ասուլիսի ժամանակ լրագրողները հետաքրքվեցին, թե արդյոք խորհրդարանական նոր ընտրությունների դեպքում ՀՀԿ-ն կմասնակցի, ինչին նա արձագանքեց՝ իհարկե: «ՀՀԿ-ն կա, եղել է ու կմնա: Բոլոր նրանց, ովքեր մտածում են, որ ՀՀԿ-ն այլևս չկա, շտապեմ տեղեկացնել՝ նրանք չարաչար սխալվում են»,-ասաց նա: Հիշեցնենք, որ ՀՀԿ_ն որոշել է թեկնածու չառաջադրել վարչապետի պաշտոնի համար: «Վարչապետի պաշտոնում թեկնածու չառաջադրելով՝ մենք խուսափում ենք զոռբայությունից, խուսափում ենք անկայունությունից, խուսափում ենք առճակատումից, սա էր ճիշտ ճանապարհը»,-ասաց նա: