Տանզանիայի պատմության մեջ առաջին անգամ նախագահի պաշտոնը կին է ստանձնել: Երդում է տվել Սամիա Սուլուհու Հասանը, որը մինչ այս երկրի փոխնախագահն էր: Այս մասին գրում է korrespondent.net կայքը` հղում տալով տանզանական լրատվամիջոցներին:
«Ես ՝ Սամիա Սուլուհու Հասանը, խոստանում եմ լինել ազնիվ, պաշտպանել Տանզանիայի սահմանադրությունը», - ասել է նա արարողության ժամանակ:
Այս շաբաթվա սկզբին Տանզանիայի նախկին նախագահ Ջոն Մագուֆուլին անսպասելիորեն մահացել է 61 տարեկան հասակում: Նա պետության ղեկավարի պաշտոնը զբաղեցնում էր 2015 թվականից:
Մագուֆուլիի մահվան պաշտոնական պատճառը սրտի կաթվածն է: Բայց ըստ Financial Times- ի, Տանզանիայի նախագահը հիվանդ էր կորոնավիրուսով և երկար ժամանակ կապի դուրս չէր գալիս: Նա նախ բուժվել է Կոնգոյում, ապա՝ Հնդկաստանում:
