Ադրբեջանի նախագահ Իլհամ Ալիևը հրահանգում է ջնջել Արցախի օկուպացված տարածքներից հայկական հետքերը։ Այս մասին թվիթերի իր էջում գրել է Նիդերլանդներում Հայաստանի դեսպան Տիգրան Բալայանը։ «Ադրբեջանի բռնապետն անձամբ հրահանգում է ջնջել Արցախի օկուպացված տարածքներից հայկական հետքերը։ Ալիեւի ռեժիմի ռազմական հանցագործությունները շարունակվում են ամբողջ ծավալով»,-գրել է նա։ Նշենք, որ Ալիևը Արցախի օկուպացված տարածքներ կատարված այցի ժամանակ հայկական եկեղեցու պատերի հայերեն արձանագրությունները կեղծ է անվանել։