Վերջին ամիսներին Կիևը բացեիբաց ցուցադրում է իր ռազմատենչությունը՝ զորքերը տեղափոխելով Դոնբաս: Միևնույն ժամանակ ուկրաինացի զինվորականները, քաղաքական գործիչները և պաշտոնյաները, վախեցնելով Դոնեցկի և Լուգանսկի բնակիչներին, առանձակի շեշտում են Զինուժի ավիացիայի և «Բայրաքթար ՏԲ2» հետախուզական-հարվածային անօդաչուների կիրառման հնարավորությունը: Այս մասին գրում է Репортёр-ը՝ նկատելով, որ Ռուսաստանը, իր հերթին, պատասխան ակնարկներ է անում՝ զորավարժություններ սկսելով Ուկրաինայի սահմանի մոտակայքում: Ինչպես պարբերականը գրում է, 2021 թվականի մարտի 10-ին ՌԴ ԶՈւ Հարավային ռազմական շրջանի մամուլի ծառայությունը հայտնել է, որ բանակի ավելի քան 20 ՀՕՊ ստորաբաժանում մարտական հրաձգությամբ խոշոր մարտավարական զորավարժություններ է սկսում Աստրախանի մարզի «Կապուստին Յար» զորավարժարանում և Կրասնոդարի երկրամասում ռազմաբազայում: Մանևրները կշարունակվեն մինչև ապրիլի կեսը: «Տոր-Մ2» և «Բուկ-Մ2» զենիթահրթիռային համալիրները կմշակեն հակառակորդի ավիացիայի, թևավոր հրթիռների և անօդաչուների ոչնչացմանն ուղղված գործողություններ: Փորձագետններն ընդգծում են, որ ռուսական ՀՕՊ հաշվարկների զորավարժություններն Ուկրաինայի հետ սահմանի մոտ նուրբ ակնարկ են «Բայրաքթար»-ներին և Ուկրաինայի Զինված ուժերի կազմում ընդգրկված այլ թռչող սարքերին: Սակայն ուշադրություն է գրավում այն հանգամանքը, որ Ուկրաինայի երկինքը վերածվել է ՆԱՏՕ-ի ինքնաթիռներով Դոնբասի և ՌԴ-ի դեմ ռադիոէլեկտրոնային հետախուզություն և այլ տեսակի գործունեություններ մղելու «հրապարակի»: