Ինդոնեզիայի Արևմտյան Ճավա նահանգի Սուբանգ քաղաքից դեպի Տասիկմալայ շրջանի ուխտատեղի տանող ավտոբուսն ընկել է մոտ 20 մետր բարձրությունից, զոհվել է առնվազն 26 մարդ: Այս մասին հայտնել է Media Indonesia-ն:
Նշվում է, որ սրահում եղել է 62 մարդ՝ ուսանողներ և նրանց ծնողները, ինչպես նաև վարորդը: Մահացածներից բացի, հիվանդանոց է տեղափոխվել 35 ուղևոր, նրանցից 13-ի վիճակը ծանր է: Մեկ մարդ դեռ որոնվում է:
Ըստ տուժածների՝ մեքենան, հավանաբար, արգելակների հետ կապված խնդիրներ է ունեցել: Վարորդը, որը զոհվածների թվում էր, կորցրել է ավտոբուսի կառավարումը ոլորուն ճանապարհահատվածում:
