Կիևը մշակել է Դոնբասում հակամարտության խաղաղ կարգավորման ծրագիրը և սպասում է, թե երբ Ռուսաստանն այն կհաստատի: Ինչպես փոխանցում РБК-ն, այս մասին հայտարարել է Ուկրաինայի նախագահի գրասենյակի ղեկավար Անդրեյ Երմակը: «Այսօր սեղանին դրված է խաղաղ կարգավորման հստակ ծրագիր, որն առաջարկվել է Գերմանիայի և Ֆրանսիայի, մշակվել Ուկրաինայի կողմից, որը, ինչպես կարծում ենք, համապատասխանում է Մինսկի համաձայնագրերի ոգուն»,- ասել է Երմակը: Ուկրաինայի ներկայացուցիչը մեկնաբանել է, որ խոսքը «շատ հզոր քայլի» մասին է, որն առաջարկել են երկու եվրոպական երկրներ: Նրա խոսքով՝ եթե Ռուսաստանը հավանության չարժանացնի ծրագիրը, դա կնշանակի, որ ՌԴ-ն խաղաղություն չի ուզում տարածաշրջանում: Ուկրաինայի նախագահի գրասենյակի ղեկավարը հրադադարի ռեժիմն անվանել է Մինսկի գործընթացի խոշորագույն ձեռքբերում, իսկ դրա պահպանումը՝ կարևոր պայման Դոնբասի հարցով բանակցությունները շարունակելու համար: