Մենք պատրաստ ենք Նիկոլ Փաշինյանի արագ, անցնցում հեռացման պահանջով՝ մեկ կետով և մեկ օրակարգով հանդիպման ու նրա արագ հեռացման հարցի քննարկման, Ազատության հրապարակում ասաց Հայրենիքի փրկության շարժման համակարգող Իշխան Սաղաթելյանը: «Այդ միջանցքը և հնարավորությունը թողնում ենք: Քաղաքացիական բախում չպետք է տեղի ունենա: Ինքը պետք ա դիմում գրի, հրաժարական տա և հեռանա», - հայտարարեց նա: Ընդդմության հավաքի մասնակիցները երթով շարժվեցին Ազգային ժողով: ԱԺ-ի մոտ նրանք իրենց պահանջը կհայտնեն, հետո նորից կվերադառնան Ազատության հրապարակ: