Թբիլիսիում բարձրահարկ շենքի ճակատային մասից ապակե վահանակը պոկվել է և ընկել անցորդների վրա: Միջադեպի հետևանքով 12-14 տարեկան 6 երեխա է տուժել, ովքեր հոսպիտալացվել են: Դեռահասներից մեկի վիճակը ծայրահեղ ծանր է եղել: Նրա ստացած վնասվածքը գործնականում անհամատեղելի էր կյանքի հետ: «Վիրահատությունն սկսել, ցավոք, չի հաջողվել, քանի որ սրտի կանգ է տեղի ունեցել: Մի քանի անգամ հաջողվել է վերականգնել սրտի աշխատանքը, սակայն հիվանդը մահացել է տրավմատիկ շոկից», - ասել է բուժկենտրոնի վերակենդանացման բաժնի մասնագետը: