Մենք խորհրդարանական դահլիճում չենք մասնակցել բովանդակային քննարկումներին, բնականաբար, չենք մասնակցելու նաև ընտրությանը. այսօր լրագրողների հետ հանդիպման ժամանակ նշեց «Բարգավաճ Հայաստան» խմբակցության պատգամավոր Իվետա Տոնոյանը՝ անդրադառնալով այսօր ԱԺ արտահերթ նիստում ընթացող ԲԴԽ անդամների ընտրության քննարկմանը:
Հարցին, թե թեկնածու առաջադրելու հնարավորություն նաև ընդդիմությունն ունի, ինչո՞ւ չեք առաջադրում ձեր թեկնածուներին, Տոնոյանը պատասխանեց.
«Մենք բազմիցս ասել ենք, որ այսօր մեր պետության, մեր երկրի և կառավարության օրակարգում պետք է լինեն այլ հարցեր, և դատական համակարգում տեղի ունեցող կեղծ օրակարգով առաջ բերված հարցեր մեր օրակարգում պարզապես տեղ չունեն: Նախկինում առիթ ունեցել եմ ասելու, որ քառօրյայի շուրջ 5 տասնյակ հարցերից որևէ մեկը չի արտացոլում այն օրակարգը, որն այսօր ծառացած է մեր առաջ: Խոսքը վերաբերվում է թե՛ զոհերի ընտանիքների, թե՛ տարհանված ընտանիքների, գերիների, անհետ կորածների խնդրիրներին: Իսկ ինչ վերաբերվում է այս քվեարկությանը, մենք այդ մասով մեր քաղաքական դիրքորոշումը ներկայացրինք»:
https://www.youtube.com/watch?v=a2Z6HC5vu70&feature=emb_logo
