Գյումրեցի Ավետիսյանների ընտանիքի սպանությունից 6 տարի է անցել. 2015 թվականի հունվարի 12-ին Գյումրիում ռուսական ռազմաբազայի զինծառայող Վալերի Պերմյակովը մտել էր Ավետիսյանների տուն և հրազենով սպանել ընտանիքի 6 անդամներին, իսկ 7 օր անց հիվանդանոցում մահացել էր փոքրիկ Սերյոժա Ավետիսյանը։ 6 տարի անց հարազատները դժվարությամբ բացում են արդեն խարխուլ ու քանդված տան դուռը: Ոչ մի հարց պատասխան չի ստացել. նշում է Լուսինե Ավետիսյանը: Ռուսաստանի Դաշնությանը փոխանցված Պերմյակովը մենակ չի գործել, հանցագործության առեղծվածը, ըստ Ավետիսյան քույրերի, դեռևս անհայտ է: Այս մասին հայտնում է «Ցայգ»-ը: