Թուրքիայում նոր օրենքը, որն ուղղված է ֆինանսական ահաբեկչության կանխարգելմանը, մեծացնում է հավանականությունը, որ երկրում կարող են կրճատվել իրավապաշտպան խմբերը, համարում է Թուրքիայում Amnesty International-ի տնօրեն Թարիք Բեյխանը: «Այդ օրենքը ՆԳ նախարարին իրավունք է տալիս արգելել ցանկացած խումբն առանց բողոքարկման հնարավորության»,-ասել է Բեյխանը, հաղորդում է Financial Times-ը: Ռեջեփ Թայիփ Էրդողանի իշխող կուսակցության կողմից մշակված օրինագիծն ընդունվել է ՄԱԿ-ի ԱԽ ահաբեկչության դեմ պայքարի բանաձեւին համաձայն: Օրենքը նախատեսում է ՆԳՆ-ի կողմից հասարակական կազմակերպությունների ստուգումներ եւ հարցում նվիրատվություններ ընդունելու թույլտվության համար՝ սահմանափակելով Համացանցում դրամահավաքը: Այն նաեւ թույլ է տալիս կառավարությանը նշանակել ՀԿ-ի հոգաբարձուների խորհուրդն ու դադարեցնել նրանց գործունեությունը ստուգումների հաշվետվությունների, ոչ թե դատարանի որոշման հիման վրա: «Լրացուցիչ դրույթներն ավելացվել են գաղտնի քաղաքացիական հասարակության ազատությունը հետագայում սահմանափակելու թաքնված դրդապատճառով»,-ասել է Բեյխանը: Թուրքիայում քաղաքացիական հասարակության դեմ ճնշումներն ուժգնացել են 2016 թվականից հետո, երբ կառավարությունը հայտարարել էր արտակարգ դրություն հեղաշրջման չհաջողված փորձից հետո: