Քաղաքական-հասարակական գործիչ Սամվել Ֆարմանյանը ֆեյսբուքյան իր էջում գրառում է արել՝ անդրադառնալով Էջմիածնում այսօր հաջակցություն եկեղեցու կայացած ակցիաների մասին։ Գրառումը ներկայացնում ենք ստորև․ «Շնորհակալություն» Նիկոլ Փաշինյանին՝ հային հայ դարձնելու համար: 1903 թ. ամռանը Կովկասի կառավարչապետ Գոլիցինի նախաձեռնությամբ ընդունվեց Եկեղեցական գույքի բռնագրավման մասին օրենքը: Դրան հաջորդեցին հայերի զանգվածային բողոքի գործողություններ Կովկասի հայաշատ տարբեր բնակավայրերում: Նույն 1903 թ. աշնանը հայերը մահափորձ կազմակերպեցին Գոլիցինի դեմ: Հետո արդեն, այդ ճնշման արդյունքում Նիկոլայ II-ը ստորագրեց եկեղեցական գույքը վերադարձնելու մասին հրամանագիր, որով թույլատրվում էր նաև վերաբացել հայկական ազգային դպրոցները։ Գոլիցինը հայերի հիշողության մեջ մնաց որպես թշնամու ատելի կերպար: Այս դեպքերի ժամանակակիցների շրջանում տարածվեց մի այսպիսի թևավոր միտք. «շնորհակալություն Գոլիցինին՝ հայերին հայ դարձնելու համար»: Ի նկատի էր առնվում այն, որ հայ առաքելական եկեղեցին ու հայկական դպրոցները փաստացի փակելու Գոլոիցինի այդ տխրահռչակ նախաձեռնությունը դարձավ այն առանցքային խմորիչը, ինչը գրգռեց հայերի ազգային ինքնագիտակցությունը, արթնացրեց նրա ոգին և դուրս բերեց փողոցներ՝ պաշտպանելու իր ազգային կառույցները: Տեսնելով, թե այսօր ինչ է կատարվում Սբ. Էջմիածնի եկեղեցիներում, հայ առաքելական եկեղեցու հասցեին նիկոլական/գոլիցինյան շրջանակների կողմից ավելի վաղ հնչեցված սպառնալիքներից հետո, կարելի է առանց այլևայլության կրկնել նույնը. «Շնորհակալություն» Նիկոլ Փաշինյանին՝ հային հայ դարձնելու համար»: