Ռուսաստանից Արցախի բնակչության համար հումանիտար օգնության ուղարկելու աշխատանքները շարունակվում են, հայտնում են ՌԴ-ում ՀՀ-ի դեսպանությունից: Մոսկվայից Երևան մարդասիրական օգնության նոր խմբաքանակն ուղարկվել է նախօրեին: 50 տոննա կշռող մարդասիրական բեռները ներառում են դեղորայք, բժշկական սարքավորումներ, մանկական հագուստ, ինչպես նաև առաջին անհրաժեշտության տարբեր իրեր: Օգնությունը հավաքվել է Ռուսաստանի հայերի ջանքերով։ Վերջին հինգ շաբաթվա ընթացքում Ռուսաստանից Հայաստան է առաքվել հարյուրավոր տոննա մարդասիրական օգնություն: