Լեռնային Ղարաբաղում ցանկացած զինված խաղաղապահ առաքելությունը չպետք է ընդգրկի Մինսկի խմբի համանախագահ երկրները, ներառյալ ԱՄՆ-ը։ Այս մասին ասել է ԱՄՆ նախագահի անվտանգության հարցերով խորհրդական Ռոբերտ Օ’Բրայենը Լոս Անջելեսում հայ համայնքի ներկայացուցիչների հետ հանդիպմանը։ «Թուրքական ցանկացած միջնորդություն կամ խաղաղապահ դեր մատնված է անհաջողության ԱՄՆ, ինչպես նաև Հայաստանի համար։ Հավատում ենք, որ երկու երկրները պետք է համաձայնվեն սկանդինավյան խաղաղապահներին, մենք աշխատում ենք սկանդինավյան կառավարությունների հետ խաղաղապահ ուժ հավաքելու համար, որը կարող է տեղակայվել տարածաշրջանում հրադադարը պահպանելու համար», – ասել է Օ’Բրայենը։