Անգլիայի նորընծա չեմպիոն «Լիվերպուլի» գլխավոր մարզիչ Յուրգեն Կլոպը խոսել է 30 տարվա ընդմիջումից հետո Անգլիայի չեմպիոն հռչակվելու մասին: «Միշտ կարծել եմ, որ ավելի լավ է հաղթել ազգային առաջնությունում, քան դուրս գալ Չեմպիոնների լիգայի եզրափակիչ: Ինչու՞: Որովհետև ազգային առաջնությունում չեմպիոնությունն ամբողջ մրցաշրջանի ընթացքում թիմի կատարած աշխատանքի արդյունքն է, իսկ Չեմպիոնների լիգայում հաղթանակը կախված է մի քանի հանդիպումներից: «Լիվերպուլի» չեմպիոնությունը ֆուտբոլի պատմության կարևորագույն դրվագներից մեկն է»,- Կլոպի խոսքը փոխանցում է The Guardian-ը: Հիշեցնենք, որ 53-ամյա Յուրգեն Կլոպը «Լիվերպուլի» գլխավոր մարզիչի պաշտոնը զբաղեցնում է 2015 թվականից: Նրա պայմանագիրն ակումբի հետ նախատեսված է մինչև 2024 թվականը: