ՈւԵՖԱ-ն ֆուտբոլի Չեմպիոնների լիգայի քառորդ եզրափակիչի վիճակահանությունը կանցկացվի հուլիսի 10-ին, հաղորդում է L’Équipe-ը։ Սպասվում է, որ Չեմպիոնների լիգայի եզրափակիչ փուլը «ութի եզրափակիչ» ձեւաչափով կանցկացվի օգոստոսին Պորտուգալիայի մայրաքաղաք Լիսաբոնում։ Քառորդ եզրափակիչ արդեն դուրս են եկել Մադրիդի «Աթլետիկոն», իտալական «Ատալանտան», Փարիզի ՊՍԺ-ն եւ գերմանական «ՌԲ Լայպցիգը»։ 1/8 եզրափակիչի պատասխան հանդիպումներից դեռ չեն անցկացվել «Յուվենտուս» - «Լիոն», «Բարսելոնա» - «Նապոլի», «Մանչեսթեր Սիթի» - «Ռեալ», «Բավարիա» - «Չելսի» խաղերը, որոնք նախատեսված է անցկացնել օգոստոսի 7-8-ին։ Չեմպիոնների լիգայի մրցաշրջանը դադարեցվել է մարտին կորոնավիրուսի պանդեմիայի հետեւանքով։