Այս պահին ԱԺ «Իմ քայլը» խմբակցությունը նիստ է անցկացնում: Մինչ այդ խորհրդարանում ծեծկռտուքից հետո ՔՊ-ի վարչության որոշ անդամները առանձին նիստ են արել, եւ, ըստ երեւույթին, որոշել իրենց անելիքները: Այժմ նիստ է ընթանում «Իմ քայլը» խմբակցության մակարդակով, որտեղ կորոշեն իրենց վերջնական քայլերը: Մինչ այդ ԱԺ փոխնախագահ Ալիեն Սիմոնյանն ասաց, որ վարչության անդամների հետ որեւէ մեկի մանդատը վայր դնելու հարց չի քննարկվել եւ ինքը դեմ է դրան: Հիշեցնենք, որ այսօր խորհրդարանում Էդմոն Մարուքյանի ելույթի ժամանակ ծեծկռտուք սկսվեց: Վերջինս իջավ ամբիոնից մոտեցավ «Իմ քայլը» խմբակցության պատգամավոր Սասուն Միքայելյանին, վերջինս էլ բռունցքներով հարձակվեց Մարուքյանի վրա եւ հարվածեց: քաշքշոցի ժամանակ Մարուքյանին ապտակել է «Իմ քայլից» Արտակ Մանուկյանը, իսկ Վահե Ղալումյանն էլ հետեւից է հարվածել Մարուքյանի գլխին: