Իտալական «Ռոմա»-ի հարձակվող Էդին Ջեկոն իր թիմակից և Հայաստանի ազգային թիմի ավագ Հենրիխ Մխիթարյանին համարում է կարևոր ֆուտբոլիստ մայրաքաղաքային ակումբում:
«Մխիթարյանն ինձ միշտ է դուր եկել: Մենք երկուսս էլ խաղացել ենք թե Գերմանիայում, թե Անգլիայում: Հիմա նրան գիտեմ, որպես անհատ և նա լավ տղա է: Մխիթարյանը ֆանտաստիկ ֆուտբոլիստ է: Նա ուզում է մնալ «Ռոմա»-ում: Նրա նման ֆուտբոլիստները կարևոր նշանակություն ունեն թիմի համար»,-«Արմենպրես»-ի հաղորդմամբ` Ջեկոյի խոսքերը փոխանցում է Corriere dello Sport-ը:
