Հայազգի գործարար Արման Մայիլյանի նախաձեռնությամբ ՝ ապրիլի 24-ին Բարսելոնայում Հայոց ցեղասպանության անմեղ զոհերի հիշատակին նվիրված պատարագ է մատուցվել: Հոգևոր արարողությունը տեղի է ունեցել Santa María de Montserrat եկեղեցում եւ մատուցվել է , Mons Jaume Gonzalez եպիսկոպոսի կողմից: Եկեղեցում, որտեղ տեղի է ունեցել պատարագը, առկա են հայկական սրբապատկերներ: «Օսմանյան կայսրության կողմից 1915 թ. հայերի նկատմամբ իրականացված ցեղասպանությունը 20-րդ դարասկզբի մեծագույն ոճրագործությունն էր: Այսօր աշխարհասփյուռ հայերը նշում են Հայոց ցեղասպանության 105-րդ տարելիցը։ Իմ եւ իմ ընտանիքի անդամների նախաձեռնությամբ Բարսելոնայում Սբ պատարագ է մատուցվել՝ ի հիշատակ Հայոց Ցեղասպանության սուրբ նահատակների և ոգեկոչվել է 1.5 միլիոն զոհերի հիշատակը»,-մեզ հետ զրույցում ասել է Արման Մայիլյանը: