Սիսիանի ոստիկանության պետի ժամանակավոր պաշտոնակատար Գարիկ Մուրադյանի կողմից անօրինականությունների արդյունքում հերթական քրեական գործն է հարուցվել:
Գործի հետ կապված մանրամասների շուրջ Armday.am-ը զրուցել է փաստաբան Յուրա Ավայանի հետ:
-Պրն Ավայան, այս ագամ ի՞նչ քրեական գործ է հարուցվել, մանրամասնեք խնդրեմ :
-Հարուցվել է ևս մեկ քրեական գործ Գուրգեն Վարդանովի նկատմանբ Սիսիանի ոստիկանության պետի ժամանակավոր պաշտոնակատար Գարիկ Մուրադյանի կողմից անօրինականությունների առթիվ, մասնավորապես, հարուցվել է Քրեական օրենսգրքի 309 հոդվածի 2րդ մասով:
-Նախորդ հարցազրույցներում նշել էիք մի քանի դեպքի մասին: Այդ անօրինական գործողությունները դեռ շարունակվո՞ւմ են:
-Այո: Այս անգամ կանդրադառնամ Սիսիանի բաժնի աշխատակիցների անօրինական գործողություններին:
Մասնավորապեո, 16.04.2020 թվականին Գառնիկ Սիմոնյանի հեռախոսահամարին է զանգահարել Սիսիանի ոստիկանության բաժնի աշխատակից Արարատ Օհանյանը, ում հախկինում դրսևորած անօրինական գործողությունների մասով հաղորդում էր ներկայացվել : Նա պահանջել է ներկայանալ բաժին, Գառնիկ Սիմոնյանը մերժել է՝ասելով, որ այդ հարցերով զանգահարեն փաստաբանին:
-Ծանուցում ստացա՞ք որպես փաստաբան:
-Ոչ: Մի քանի անգամ մենք ենք փորձել կապ հաստատել Օհանյանի հետ պարզելու համար, թե ի՞նչ հիմքով են քաղաքացի Սիմոնյանին հրավիրում բաժին, և ինչո՛ւ այդ մասին ծանուցում փաստաբանին: Օհանյանը չի պատասխանել զանգերին, կամ անջատել է հեռախոսը, որից հետո կրկին զանգահարել է Գառնիկ Սիմոնյանին:
-Նշեցիք, որ այլ դեպքեր էլ են գրանցվել:
-17.04.2020 թվականին այս անգամ Սիսիանի բանկիչ Աշոտ Ադոնցը զանգել է Գառնիկ Սիմոնյանին հայհոյել,ահաբեկել այն բանի համար, որ Սիմոնյանը ոստիկանապետի դեմ հաղորդում ներկայացրել:
Ի դեպ՝ Աշոտ Ադոնցը այն ենթադրյալ տուժողն է, ում իրերի գողության կասկածանքով Գառնիկ Սիմոոնյանին 06.04.2020 թվականին բերման էին ենթարկել բաժին և բռնությոան ենթարկել:
-Այս բոլոր առիթներով ի՞նչ գործողություններ եք ձեռնարկել:
-Վերոգրյալ անօրինականությունների մասով ձեռնարկվել է համապատասխան գործողություններ: Դատողությունները թողնում եմ ընթերցողին, իսկ ընթացքի մասի կտեղեկացնենք ավելի ուշ:
