Խառը մենամարտերի 2 քաշային կարգում նախկին չեմպիոն, իռլանդացի Քոնոր Մաքգրեգորը թեթև քաշային կարգում չեմպիոն, ռուսաստանցի Խաբիբ Նուրմագոմեդովին համեմատել է ջրահարսի հետ: «UFC-ում մենամարտում են հրաշալի մարզիկներ, որոնք շատ ուժեղ հարվածների են տիրապետում, իսկ ի՞նչ է անում Խաբիբը: Նա փաթաթվում է մրցակցի ոտքերին և փորձում է գցել նրան: Խաբիբը ջրահարս է, իսկ թե ով է լավագույնը, բոլորդ գիտեք»,- գրել է իռլանդացի մարզիկը Թվիթերի իր պաշտոնական էջում: Հիշեցնենք, որ 2018 թվականի հոկտեմբերին տեղի ունեցած մենամարտում Խաբիբ Նուրմագոմեդովը խեղդող հնարքով պարտության էր մատնել Մաքգրեգորին: Իռլանդացի մարզիկը ռևանշ մենամարտ է պահանջում: