Գյումրիում այսօր տեղի է ունեցել մարտի 5-ին իր տանը ծեծից մահացած կնոջ  հուղարկավորությունը։ Հիշեցնենք, որ մարտի 5-ին Գյումրիի Տեքստիլ թաղամասում իրենց տանը ծեծի էին ենթարկվել մայր ու դուստր։ Դրա հետևանքով մայրը մահացել է, իսկ 12 տարեկան աղջիկը բազմաթիվ ծանր վնասվածքներով գտնվում է հիվանդանոցում։ Նույն տնից ծեծի ենթարկվելու կասկածանքով բերման է ենթարկվել եւ ձերբակալվել 28-ամյա ընկերը։ Հարազատները հրաժարվել են երեխայի խնամակալությունը ստանձնել։ Այսօր նրանք ներկա չեն եղել նաև հուղարկավորությանը: Կնոջ հուղարկավորությունը կազմակերպել է Գյումրիի քաղաքապետարանը։ Ներկա են եղել ՀՀ ԱԺ փոխնախագահ Լենա Նազարյանը, վարչապետի մամուլի խոսնակ Մանե Գևորգյանը, Գյումրիի քաղաքապետն ու Շիրակի մարզպետը։ Կնոջը հուղարկավորել են իր ծնողների գերեզմանատանը։