Ազգային ժողովում առողջապահության նախարարի երեկվա ելույթը 80%-ով ապատեղեկատվութուն էր։ Այն տեղեկությունը, որ ՁԻԱՀ-ի կանխարգելման կենտրոնը տարիներ շարունակ հրաժարվել է համագործակցել ՀՀ բժշկական ոլորտի այլ կազմակերպությունների հետ, բացարձակ չի համապատասխանում իրականությանը, գրում է factor.am-ը։ Շատ շուտով կտեսեք մեր հիմնավոր հակափաստարկները։ Այս մասին մասին այսօր՝ ՁԻԱՀ-ի կանխարգելման կենտրոնի և «Նորք» ինֆեկցիոն հիվանդանոցի միավորման դեմ բողոքի ակցիայի ընթացքում ասաց ՁԻԱՀ-ի կանխարգելման կենտրոնի բժշկական օգնության և սպասարկման բաժնի վարիչ Արշակ Ասմարյանը։ «Չեն կարող բացարձակ նույն ծառայությունները տրամադրել հիմնարկներ, որոնցից մեկը ստացիոնար բուժծառայություն տրամադրող բուժհաստատություն է, մյուսը՝ ամբուլատոր։ Դրանք գործառույթների ռադիկալ տարբեր ուղղություններ են»,- ասաց ՁԻԱՀ-ի կանխարգելման կենտրոնի նախկին աշխատակիցը։ https://www.youtube.com/watch?v=1fFkhw3PUWY&feature=emb_title