Սպանդանոցների կառուցման գործընթացքում դեռ կանոնակարգման ենթակա երկու խնդիր կա, որոնք կառավարությունը կամփոփի երկու շաբաթվա ընթացքում։ «Արմենպրես»-ի հաղորդմամբ՝ այս մասին վստահեցրեց ՀՀ փոխվարչապետ Մհեր Գրիգորյանը ԱԺ-ում կառավարության անդամների հետ հարց ու պատասխանի ժամանակ:
«Սպանդանոցները կառուցվում են: Եվ կա երկու խնդիր, որոնք լրացուցիչ կանոնակարգման անհրաժեշտություն ունեն: Դրանից մեկն այն է, թե ինչպես պետք է անենք, որ գյուղնշանակության հողերի վրա կառուցումն այդ հողն այլ նպատակով օգտագործելու առիթ չլինի: Բայց, միևնույն ժամանակ, անհրաժեշտ է պարզեցված ընթացակարգ այդ հողի վրա կառուցելու թույլտվություն ստանալու համար»,-ասաց Գրիգորյանը:
