Ձմեռային դադարից հետո վերսկսվում են Հայաստանի ֆուտբոլի առաջնության բարձրագույն խմբի հանդիպումները:
16-րդ տուրի շրջականերում փետրվարի 29-ին կկայանա երկու հանդիպում` «Շիրակ»-ը Գյումրում կընդունի «Նոա»-ին, իսկ «Փյունիկ»-ը Երևանում կխաղա «Գանձասար-Կապան»-ի հետ: Մարտի 2-ին «Արարատ»-ն ուժերը կչափի «Արարատ-Արմենիա»-ի հետ, իսկ «Ուրարտու»-ն կմրցի «Լոռի»-ի դեմ:
Այժմ բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն է, «Նոա»-ն ունի 24 միավոր: «Փյունիկ»-ն իր ակտիվում գրանցել է 20, «Ուրարտու»-ն` 17, «Գանձասար-Կապան»-ը` 14 միավոր: Ոչ մի միավոր չունի «Երևան»-ը:
