Չինաստանի նախագահ Սի Ցզինպինը նամակ է գրել Բիլ Գեյթսին, որում շնորհակալություն է հայտնել նրան` Բիլ եւ Մելինդա Գեյթսերի հիմնադրամի կողմից կորոնավիրուսի դեմ պայքարի համար տրամադրված ֆինանսական օգնության համար, գրում է China Daily-ն:
«Ես խորապես գնահատում եմ Բիլ եւ Մելինդա Գեյթսերի հիմնադրամի մեծահոգության արարքը եւ ձեր` չին ժողովրդի հետ համերաշխության նամակը այսպիսի կարեւորագույն պահին»,- գրել է ՉԺՀ նախագահը:
Ավելի վաղ` փետրվարի 6-ին, Բիլ Գեյթսը նամակ էր գրել, որում հայտնել էր որպես շտապ օգնություն Չինաստանին 100 միլիոն դոլար հատկացնելու մասին` կորոնավիրուսի դեմ պայքարի համար համաճարակաբանական հետազոտությունների, ախտորոշման, դեղերի եւ պատվաստանյութերի մշակման համար:
00:00:00
