Ryanair-ի գլխավոր տնօրեն Մայքլ Օ'Լիրին պահանջել է լրացուցիչ հակաահաբեկչական ստուգումներ իրականացնել մահմեդական տղամարդկանց նկատմամբ, գրում է The Sun-ը: Ըստ O'Լիրիի` օդանավակայաններում ահաբեկչական հարձակումների մեջ հիմնականում պետք է կասկածել «մահմեդական հավատքի տղամարդկանց»: Այս հայտարարությամբ հայտնի ավիաընկերության ղեկավարը հանդես է եկել The Times-ին տված հարցազրույցի ժամանակ: Օ'Լիրիի հայտարարությունը քննադատության բուռն ալիք է բարձրացրել մի շարք կազմակերպությունների եւ Բրիտանիայի խորհրդարանի ներկայացուցիչների կողմից, ովքեր նրան մեղադրել են իսլամաֆոբիայի եւ ռասիզմի մեջ: