Լոնդոնում ընթացող Grand Chess Tour-ի եզրափակիչ փուլի կիսաեզրափակիչի արագ խաղի 2 պարտիաներում Լևոն Արոնյանն ուժերը չափեց չինացի Դին Լիրենի հետ: Հայկական շախմատի առաջատարը 2 պարտիաներում էլ պարտություն կրեց և այժմ 20 հնարավորից ունի 6 միավոր և մրցաշարային աղյուսակի վերջին տեղում է: Արագ խաղի մյուս 2 պարտիաներում աշխարհի չեմպիոն, նորվեգացի Մագնուս Կարլսենն ու ֆրանսիացի Մաքսիմ Վաշյե-Լագրավը ոչ ոքի խաղացին: Արոնյանն ու Դին Լիրենը դեկտեմբերի 5-ին կանցկացնեն կայծակնային խաղի 4 պարտիա: