Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն չի մասնակցի Փարիզում տեղի ունենալիք «Ոսկե գնդակի» հանձնման արարողությանը, հայտնում է Sport Mediaset-ը: Ռոնալդուն, տեղյակ լինելով, որ «Ոսկե գնդակին» արժանանալու է «Բարսելոնայի» առաջատար Լիոնել Մեսին, որոշել է չմեկնել Ֆրանսիա: 34-ամյա Ռոնալդուն Իտալիայում կմասնակցի Իտալիայի առաջնության 2018/19 մրցաշրջանի լավագույն ֆուտբոլիստին տրվող մրցանակի հանձնման արարողությանը:

Ավելի վաղ իսպանական մարզական պարբերականները հայտնել էին, որ Ռոնալդուն ընդգրկված չէ France Football-ի վարկածով 2019 թվականի լավագույն ֆուտբոլիստների եռյակում: