Ազգային անվտանգության ծառայության եւ ոստիկանության պետերի պաշտոնների քաղաքականացման մասին օրինագիծն այսօր բացասական եզրակացության ստացավ ԱԺ պետաիրավական հարցերի հանձնաժողովի կողմից: Նիստին մասնակցող բոլոր պատգամավորները, բացառությամբ «Լուսավոր Հայաստան» խմբակցության ղեկավար Էդմոն Մարուքյանի, այդ օրինագծին դեմ քվեարկեցին: Հիշեցնենք, որ օրենքի նախագծով առաջարկվում էր Ազգային անվտանգության ծառայության տնօրենի և Ոստիկանության պետի պաշտոնները հանել ոստիկանության պաշտոնների և ազգային անվտանգության մարմինների ծառայողների պաշտոնների անվանացանկերից և դրանք համարել քաղաքական պաշտոններ՝ այդ աշխատատեղերում նշանակվող անձանց համար ևս սահմանելով պատգամավորի թեկնածուին ներկայացվող պահանջները: